LEMERY, ILOILO – Isa ang patay, walo ang pilason matapos natumba ang canter truck sa Brgy. Omio, Lemery, Iloilo.
Ang napatay amo si Ryan Venus, 17 sang Banga, Aklan.
Ang mga pilason naman amo sanday Jason Fuentes 23, Reynold Imperial, 30, Chris Venus, 39, Niel Ivan Motos, 12, Jessie Ituralde, 37 lunsay residente sang Banga, Aklan kag Christopher Relente, 22, Junever Delfin, 31, James Dicusa, 20, lunsay naman residente sang Washington, Aklan.
Sa interview sang Bombo Radyo kay Police Lt. Francis Batallones, hepe sang Lemery Municipal Police Station, iya ginpahayag nga naghalin sa Aklan ang canter truck sakay ang mga trabahador.
May karga ang truck nga mga gamit sa pag-landscape.
Padulong ini kuntani sa banwa sang Sara, Iloilo sang matabo ang aksidente.
Suno kay Batallones, nadulaan sang preno ang driver nga si Larry Alfaro, 50, kag gulpi lang nga natumba sang naglabay sa kurbadahon nga bahin sang dalan.
Gilayon naman nga gindala sa ospital ang walo ka mga pilason kag yara na sa kustodiya sang pulisya ang driver sang truck.
