ILOILO – Kabug-usan nga 13 ka mga walkthrough temperature detector ang gin-purchase sang Iloilo Provincial Government.
Sa interview sang Bombo Radyo kay Iloilo Provincial Administrator Atty. Suzette Mamon, iya ginpahayag nga masarangan sang amo nga equipment nga mahimo ang temperature kag identification check, maisip ang mga nagasulod sa isa ka establisemento, kag magserbe nga metal detector.
Suno kay Mamon, may nainstall na para sa Iloilo Provincial Capitol agud matsekyar ang pagsulod sang mga empleyado kag mga kliyente nga may transaction sa building ilabi na ang mga symptomatic nga COVID-19 suspects.
Butangan man sang walkthrough temperature detector ang Iloilo Airport, pantalan sa Dumangas kag Estancia, kag mga district hospitals sa probinsya.
