SIBUNAG, GUIMARAS-Patay ang isa ka 16 anyos nga solterito, matapos naghikog sa banwa sang Sibunag sa Probinsya sang Guimaras.
Ang biktima ang ginkilala nga si Alyas Toto 16 anyos, residente sang amo nga lugar, kag naghikog gamit ang lubid nga ginhigot sa puno sang mangga.
Sa pagpanalawsaw sang Bombo News Team, ginpahayag sang mag-asawa nga naglabay sila sa amo nga lugar, kag ila ginkakibot nga nagabitay ang bangkay sang biktima sa puno.
Suno naman sa pamilya, wala man sila sang nakita nga rason nga nagtulod sa solterito nga magpanginmatay.
Sa subong, padayun ang ginahimo nga imbestigasyon sang kapulisan, agud matumod ang rason sang paghikog sang biktima.
