ILOILO CITY – Magabaton sang P5,000 cash assistance ang masobra 1 million nga mga mangunguma partikular ang nagatanom sang humay.
Suno kay Department of Agriculture Secretary William Dar, ang nasambit nga cash assistance ang naghalin sa sobra nga taripa nga nakolekta sa pag-import sang bugas.
Ginpahayag ni Dar nga ang nasambit nga financial assistance ang ipanagtag sa Disyembre ilabi na sa mga mangunguma nga naga-agunto bangud sa COVID19 pandemic, Rice Tariffication Law kag paglaslas sang mga bagyo sa pungsod.
Matandaan nga sang Oktubre, gin-aprubahan na sang Senate Committee on Agriculture, Food and Agrarian Reform ang resolusyon nga magahatag sang cash aid sa mga mangunguma matapos nakakolekta ang Bureau of Customs (BOC) sang masobra P10 billion nga buwis sa imported nga bugas sang Hulyo.
Ang mga beneficiaries ang nagakadapat nga magpalista sa Registry System for Basic Sectors in Agriculture.
