Patigayunon subong nga adlaw, Marso 25, ang una nga hearing sang Kamara kaangot sa impeachment complaints nga ginpasaka batok kay Vice President Sara Duterte.
Apang base sa kampo sang bise-presidente, indi ini magtambong sa amo nga hearing. Ginkumpirma ini ni Atty. Michael Poa, legal counsel ni Duterte.
Matandaan nga nakit-an sang House Committee on Justice nga sufficient in form, substance, and grounds ang mga reklamo sa vice president.
Una na nga nagpaandam si Batangas Rep. Gerville Luistro, chairperson sang House committee on justice, nga kun indi magkadto si Duterte, mawad-an ini sang tyansa nga makumbinse ang mga kongresista nga wala sang probable cause ang mga impeachment complaints batok sa iya.
Suno kay Luistro, kun indi magtambong si Duterte, magapabilin nga “unchallenged” ukon indi masabat ang mga alegasyon batok sa iya, gani nga magaboto na lang ang mga committee members pabor sa pahayag nga may yara sang probable cause.
Ginlaragway sang committee chair ini nga stage nga pareho sa preliminary investigation phase sa isa ka criminal complaint.
Hatagan ang complainants kag ang defense sang tyansa nga magpresentar sang ila tagsa ka documentary evidence kag mga testigo.
Iresolba anay sang House justice panel ang mga mosyon nga nagatuyo nga i-subpoena ukon i-compel ang pag-abot sang mga testigo kag production sang documents nga ginakonsiderar nga material evidence sa complaints.
Magluwas sa hearing subong nga adlaw, may naka-schedule man sa Abril 14, 22, kag 29.
