Iga-establisar ang 10 ka border checkpoints sa syudad sang Iloilo agud nga makabulig sa seguridad sa 2026 Dinagyang Festival.
Sa interview sang Bombo Radyo kay Police Lt. Colonel Lorenez Losaria, deputy city director for operation kag Sub-Site Task Group Peace and Order commander, iya ginpahayag nga nag-request ang syudad sang bulig nagikan sa Regional Mobile Force Battalion agud nga makabulig bantay sa sini nga areas.
Suno kay Losaria, lakip sa i-implementar amo ang gun ban nga nag-umpisa sang nagligad pa nga Enero 15. Temporaryo nga ginsuspinde ang Permit to Carry Firearms Outside of Residence sa sulod sang 10 ka adlaw nga implementasyon sang sini nga pagsulundan.
Magluwas diri, istriktuhan man ang pagdumili sa backpacks.
Sandig sa anunsyo sang Iloilo City Government, 2,167 ka mga uniformed personnel kag masobra sa 2,000 force multipliers ang igalapta para nga mabantayan ang mga aktibidad sa Dinagyang subong nga tuig.
