Wala pa matumod sang kapulisan kun sin o ang nagapanag-iya sang 22 ka plastic sang ginapatihan nga shabu nga nawigit sa L98 sa Desamparados, Jaro, Iloilo City.
Sa interview sang Bombo Radyo kay PCapt. Lester Oliveros, hepe sang Iloilo City Police Station 10, iya ginpahayag nga 22 ka transparent plastic sachets sang ginapatihan nga illegal nga droga ang nawigit kag ginturn-over sa ila.
Ginabulubanta nga nagabalor ini sang P30, 000.
Ginpahayag man ni Oliveros nga gin-turn over na sa crime laboratory ang mga narekober nga sachets para sa nagakaigo nga examination.
Padayon naman ang imbestigasyon sang kapulisan agud matumod kung sin-o ang nagapanag-iya sang ginapatihan nga shabu kag kon paano ini nakalab-ot sa amo nga lugar.
