ILOILO CITY — Dako ang posibilidad nga magapyansa ang 29 ka mga indibidwal nga nagkaladakpan nga nagahampang sang poker sa Villa Anita, Iloilo City Proper.
Sa interview sang Bombo Radyo kay Police Lieutenant Colonel Antonio Benitez, Head sang Iloilo City Police Office Intelligence Unit, iya ginpahayag nga gamay lang ang kantidad sang pyansa sa diin tuman ini ka barato para sa mga napasakaan sang kaso nga illegal gambling.
Suno kay Benitez, ang pagdakop sa 29 ka mga indibidwal ang isa ka dako nga operasyon nga napatumann sang ICPO sang siya ang nag-umpisa pungko bilang Director.
Ginpahayag man ni Benitez nga padayon sila nga maga-monitor sa palibot sang syudad agud mapasangkad ang operasyon batok sa illegal gambling.
Matandaan nga una na nga ginpasakaan sang kaso nga RA 9287 ukon “Ilegal Gambling Law” ang mga nadakpan sa diin ginhunong sa nagkalain-lain nga Police Stations sa Iloilo City.
