Ginlubong sa Taal Lake sa Batangas ang 34 ka mga manugbulang nga missing sa sulod na sang apat ka tuig.
Ini ang ginbuyagyag sang isa sa mga suspek nga luyag nga mangin state witness.
Suno sa suspek nga si alyas Totoy nga isa sa anom ka mga suspek nga mga security guards sa Manila Arena, gin-gapos ang mga biktima gamit ang wire.
Ginpahayag niya nga napilitan siya nga magsugid bangud sa pamahog nga nabaton sang iya pamilya.
Nagpromisa ini nga ibuyagyag niya ang pangalan sang tawo nga nagmando sa pagpapatay sa mga biktima.
Suno pa sa iya, pareho nga nagadinaya sa bulangan ang mga biktima rason nga ginkindap ang mga ini.
Dugang niya, gin-endorso lamang nila ang mga biktima sa isa pa ka grupo nga wala nila ginpangalan.
Gin-alegar man niya nga may mga drug lords man nga ginlubong sa Taal Lake.
