Nagabug-at sang kapin 65 gramos ang suspected shabu nga may 442,000 php nga standard drug price nga narekober sang Station Drug Enforcement Team sang Dueñas Municipal Police Station sa operasyon sang Oktubre 14, 2026, sang las-9:35 sang aga.
Sa interview sang Bombo Radyo kay Police Captain Isagani Tabares, Officer-in-Charge sang Dueñas MPS, ginakabig ang suspek nga newly identified kag High Value Individual (HVI) sa kampanya sang kapulisan kontra iligal nga droga.
Ginkilala ang suspek kay alyas Darry, isa ka laborer, kag residente sang Barangay Batuan, Dueñas, Iloilo.
Sang Oktubre 15, 2026, ginpasakaan ang suspek sang kaso bangud sa ginapatihan nga paglapas sa Republic Act No. 9165 ukon Comprehensive Dangerous Drugs Act of 2002.
Text by: Jay Panizales
