Ginapahibalo sang Department of Social Welfare and Development (DSWD) Field Office VI sa publiko nga umpisa Nobyembre 30, 2026, temporaryo nga iga-suspender ang pag-isyu sang Guarantee Letter sa idalum sang Assistance to Individuals in Crisis Situations ukon AICS.
Ini ginpatigayon agud nga mahatagan sang prayoridad ang pag-asikaso sang mga obligasyon sang DSWD sa mga Service Providers para sa mga serbisyo nga ginhatag sa mga benepisyaryo paagi sa nasambit nga dokumento.
Sa statement sang opisina, ginpahayag nga magapadayon man sa gihapon ang DSWD sa paghatag sang bulig sa mga indibidwal nga nagakinahanglan apang limitado lamang ini sa mga tumalagsahon nga sitwasyon kag sa pinaka-emerhensya nga mga kaso sang krisis
Suno sa memorandum sang DSWD Central Office kag Financial Management Guideline No.57 subong nga 2026, mahatagan man sa gihapon sang tsansa ang mga indibidwal nga naabutan sang cut off date kun sa diin nga maproseso ang ila mga papeles paagi sa Outright Cash Assistance ukon magpaschedule liwat nga pag-isyu sang Guarantee Letter sa una nga adlaw sang trabaho sa tuig 2027 tubtob nga maaprubahan sang General Appropriations Act (GAA).














