Arestado ang isa ka lalaki matapos napatigayon ang drug buy-bust operation sa bansa sang Igbaras, Iloilo, sini nga Nobymebre 10, 2026
Sa interview sang Bombo Radyo kay Police Captain John Predic Padilla, Hepe sang Igbaras Municipal Station, iya ginpahayag nga naglab ot man tatlo ka bulan ang monitoring sang kapulisan sa subject kag ini naaresto.
Ginkilala ang subject kay alyas Mon, ara sa legal nga pang edaron, jobless kag residente sang Mulangan, Igbaras Iloilo.
Suno sa kapulisan nagtrasakyon ang subject sa police poseur-buyer nga gamit ang buy-bust money nga ₱6,600 nga ginbakal sang isa ka nga sachet suspected shabu.
Dugang pa, nakuhaan man sa posesyon sang subject ang duha ka dalagko nga sachet sang suspected shabu nga may bug-at nga 57 grams nga balor standard drug price, ₱387,600
Sa imbestigasyon sang kapulisan nagakuha ang subject sa banwa sang Oton sang ilegal droga kag iya ini gina repack agud ibaligya man sa kabanwahanan sang Guimbal, Miag ao, kag Igbaras
Dugang pa, ginakabig sang kapulisan si alyas Mon nga High Value Individual ukon HVI.
Sa karon yara na sa kustodiya sang Igbaras Municipal Police Station ang subject kag mag-atubang sang kaso batok sa illegal nga droga sa idalom sang R. A. 9165 ukon ang Comprehensive Dangerous Drugs Act of 2002.
By: Bombo Jay Panizales
