Nadakpan ang isa ka online seller sa drug buy-bust operation sa Barangay Libot, Calinog, Iloilo pagkatapos makuhaan sang ginapatihan nga ilegal nga droga.
Ang subject amo si Alyas Ken, 29 anyos, residente sang San Enrique, Iloilo.
Sa interview sang Bombo Radyo kay Police Lieutenant Gabriel Manguera, ang Officer in charge sang Calinog Municipal Police Station, iya ginpahayag nga naglab-ot sa tatlo tubtob apat ka semana ang pag-monitor sa subject antes napatigayon ang operasyon.
Suno kay Manguera, indi lang wanted si Alyas Ken sa Calinog kundi pati man sa San Enrique angut man sa illegal drugs.
Nakumpiskar kay alyas Ken ang ginabanta 50 grams nga suspected shabu kag nagabalor sang 408,000 pesos.
Sa subong, yara na sa kustodiya sang kapulisan ang subject kag pagapasakaan ini sang kaso nga paglapas sa Republic Act 9165 section 5 and 11 ukon ang Comprehensive Dangerous Drugs Act of 2002.
Text by: Bombo Ireca Pioquinto
