Nangin kabahin na sang panata sang fraternity group nga Alpha Sigma Rho ang pag-upod sa Dugong Bombo kada tuig.
Ini ang ginpakigbahin sang adviser kag coordinator sang nasambit nga grupo sa bilog nga Western Visayas nga si Redjel Prudente.
Sa interview sang Bombo Radyo kay Prudente kaupod ang pila ka mga ambassador sang ila fraternity, iya ginpahayag nga sugod pa sang tuig 2017, nagapasakop na gid sila sa pinakadako nga blood letting activity sa pungsod.
Bilang isa ka organisasyon nga aktibo gid sa mga community service ukon sa mga aktibidad nga may dako nga bulig sa komunidad, nagapasalig gid sila nga suportado sang bug-os nga Alpha Sigma Rho ang Dugong Bombo 2026: A little Pain, A Life to Gain.
Nagapang-agda man si Prudente sa publiko kag sa mga kaupod sini sa fraternity nga mag-upod sa Blood Letting Activity sa Nobyembre 14, 2026 diri sa siudad sang Iloillo nga patigayunon sa Iloilo Science and Technology University sa La Paz, Iloilo City.
