Magaupod ang Tau Mu Kappa Tresmanos Kamarada fraternity and sorority sa Dugong Bombo 2026.
Ini ang ikatatlo nga tuig na nga pag-upod sang amo nga organisasyon sa sini nga tuigan nga blood-letting activity sang Bombo Radyo Philippines, in partnership with Bombo Radyo Philippines Foundation, Inc. kag Philippine Red Cross.
Sa interview sang Bombo Radyo kay Mr. Ely Talaman, adviser sang grupo, iya ginpahayag nga nagapakigbahin gid sila sa Dugong Bombo bangud indi lang dugo ang ila ginahatag kundi kabuhi sa iban nga nagakihanglan sini.
Suno kay Talaman, magatingob- pwersa sila sang tanan nga mga myembro sa Panay kag Guimaras para magdonar sang dugo.
Ang Dugong Bombo: “A Little Pain, A Life to Gain” Nationwide Blood-Letting Event! patigayunon sang dululungan sa tanan nga lugar sa Pilipinas nga may yara sang Bombo Radyo and Star FM stations sa Nobyembre 14, 2026.
Diri sa Iloilo City, hiwaton ang Dugong Bombo sa Iloilo Science and Technology University, La Paz, Iloilo City.
Ang mga successful blood donors makabaton sang limited-edition kag specially designed Dugong Bombo T-shirt, vitamins, kag hot meal.
Bangod sa kada boluntaryo nga donor, may isa ka kabuhi nga mahimo maluwas.
𝗗𝘂𝗴𝗼𝗻𝗴 𝗕𝗼𝗺𝗯𝗼 — 𝗔 𝗟𝗶𝘁𝘁𝗹𝗲 𝗣𝗮𝗶𝗻, 𝗔 𝗟𝗶𝗳𝗲 𝘁𝗼 𝗚𝗮𝗶𝗻!
