Magabuylog liwat ang United Fraternities and Sororities of Panay (UFSP) Inc. sa Dugong Bombo.
Sa sulod na sang pila ka tuig nga wala gid nagakalipat ang mga myembro sang UFSP nga magpagpakigbahin sa sini nga tuigan nga blood-letting activity sang Bombo Radyo Philippines, in partnership with Bombo Radyo Philippines Foundation, Inc. kag Philippine Red Cross.
Sa interview sang Bombo Radyo kay Christine Lunasco, representative sang Alpha Kappa Rho, iya ginpahayag nga ang Dugong Bombo isa ka kahigayunan agud matungdan nila ang ila responsibilidad sa ila isigkatawo paagi sa pagdonar sang dugo nga makasugpon sa ila kabuhi.
Ang Dugong Bombo: “A Little Pain, A Life to Gain” Nationwide Blood-Letting Event! patigayunon sang dululungan sa tanan nga lugar sa Pilipinas nga may yara sang Bombo Radyo and Star FM stations sa Nobyembre 14, 2026.
Diri sa Iloilo City, hiwaton ang Dugong Bombo sa Iloilo Science and Technology University, La Paz, Iloilo City.
Ang mga successful blood donors makabaton sang limited-edition kag specially designed Dugong Bombo T-shirt, vitamins, kag hot meal.
Ginaagda man sini ang tanan nga magpakigbahin man sa aktibidad nga nagatuyo nga magsalbar sang kabuhi sang iban.
