Maga-donar naman sa liwat sang dugo ang mga myembro sang 604th Community Defense Center (CDC) paagi sa Dugong Bombo 2026, nga pagahiwaton sa Iloilo Science and Technology University (ISAT U) – La Paz Campus sa Nobyembre 14, 2026.
Sa interview sang Bombo Radyo sa director sang 604th CDC sa idalom sang 6th Regional Community Defense Group (6RCDG) nga si Colonel Michael Asuncion sang Philippine Army, iya ginpahayag nga ila gina-konsiderar nga “pre-grand mastering activity” ang blood-letting activity angot sa ila nga patigayunon nga Constructive Assessment and Development Review Engagement (CADRE).
Ang CADRE maga-usisa sang kahandaan kag kapasidad sang mga Philippine Army reservist, sa kaangay man nga venue, sa November 21.
Suno kay Asuncion, luyag nila nga padayunon ang ila nga partnership sa Bombo.
Nahibaluan nga ang Dugong Bombo: “A Little Pain, A Life to Gain” Nationwide Blood-Letting Event isa ka inisyatibo sang Bombo Radyo Philippines, in partnership with Bombo Radyo Philippines Foundation Inc., kag Philippine Red Cross.
Ang mga successful blood donors makabaton man sang limited-edition kag specially designed nga Dugong Bombo T-shirt, vitamins kag hot meals.
Sa karun, iya nag gina-engganyo ang mga reservist nga mag-partisipar sa blood donation, ilabi na ang headquarters company sa syudad.
