Arestado ang isa ka lalaki matapos ang ginhiwat nga buy-bust operation sang kapulisan sa Brgy. Purok 4, Pavia, Iloilo, kahapon, Nobyembre 17, 2026.

Ginkilala ang subject sa alyas nga Digoy, residente sang banwa sang Leganes.

Sa interview sang Bombo Radyo kay Police Captain Ryan Christ Inat, hepe sang Pavia Municipal Police Station, iya ginpahayag nga nakabaton ang kapulisan sang impormasyon halin sa isa ka informant nahanungod sa subject nga nagakadto sa nasambit nga lugar agud magbaligya sang ginapatihan iligal nga droga.

Suno kay Inot, personal pa nga ginadul-ong sang subject ang iya ginabaligya nga iligal nga droga sa Purok 4, Pavia.

Naglab-ot sa isa ka semana ang monitoring sang kapulisan antes ginhiwat ang buy-bust operation.

Narekober naman halin sa subject ang apat ka gramo sang suspected shabu nga may balor nga nagalab-ot sa ₱28,000.

Sa karon, yara na sa kustodiya sang Pavia Municipal Police Station ang subject kag magaatubang sang kaso may kaangtanan sa paglapas sa Republic Act 9165 ukon Comprehensive Dangerous Drugs Act of 2002.

By: Bombo Jay Panizales