Gintawag ni Vice President Sara Duterte nga DNA na ang korupsyon sa gobyerno sa pungsod.
Base sa post sang bise presidente, ginpahayag sini nga dako nga balabag ang korapsyon sa mga handom sang mga Pilipino nga maka-aangkon sang mas maayo nga buwas-damlag.
Suno kay Duterte, naka-ugat na sang madalom sa gobyerno ang nasambit nga problema kag ang mga pumuluyo ang naga-antos sa mga epekto sini.
Gin-engganyo man niya ang Publiko nga magsunod sa layi, batuan ang korupsyon kag atipanon ang ila tagsa ka komunidad.
Ginpunto man niya ang importansya sang pag-upod sa demokrasya kag pagsukot sa mga ginkuha sang mga nagapamuno sa gobyerno.
Nahibaluan nga subong ginapaidalom ang bise presidente sa impeachment trial bangud sa alegasyon sang iya nga unexplained wealth nga 817 milyon pesos tubtob 1.5 bilyon pesos.
Ginpanginwala naman ni Duterte kag sang iya ng defense team ang mga ginahaboy batok sa iya kag suno pa sa ila nga kabahin lamang ini sang political persecution batok sa iya.











