Safe ang kahimtangan sang 39 ka mga Ilonggo Overseas Filipino Workers samtang isa naman ang nag-request sang repatriation kasunod sang padayon nga tensyon sa Lebanon.
Sa interview sang Bombo Radyo kay Cynthia Dario, Supervising Labor and Employment Officer sang Public Employment Services Office, iya ginpahayag nga pinaagi sa pag-reactivate 24/7 sang hotlines sang Task Force Bulig Ilonggo, may mga pamilya sang OFWs ang nagatawag sa ila.
Apang sa isa ka OFW nga nag-request sang repatriation suno kay Dario, siya mismo ang nagpakig-angot sa Bulig Ilonggo pinaagi sa Facebook page.
Ginpakig-angotan sang Task Force Bulig Ilonggo ang OFW kag ginhatagan sang instruction sa iya mahimo himuon agud matigayon ang pagbalik niya sa Pilipinas.
Ang mga Overseas Filipino Workers nga magabalik sa Pilipinas ang makabenepisyo sang post-repatriation program lakip na ang P150,000 nga financial assistance halin sa Department of Migrant Workers kag Overseas Workers Welfare Administration.
Mahimo man nila nga ma-avail ang free training kag skills enhancement programs, kaangay sang livelihood assistance programs, halin sa Technical Education and Skills Development Authority , Department of Social Welfare and Development , Department of Labor and Employment , Department of Agriculture kag Department of Tourism.
Pahayag ni Dario, may yara man sang ginahatag nga P10,000 nga assistance ang Iloilo Provincial Government sa nagpa-repatriate nga OFW sa tion nga makumpleto nila ang kinahanglanon nga requirement.
Yari ang mga emergency contacts nga mahimo mapakig-angutan para sa mga OFWs;
PESO
0961-680-4428
0917-754-3833
0916-758-3156
0910-005-4682
PDRRMO
0960-834-8147
MESSENGER
PESO-Province of Iloilo
(Article: Bombo Lynd-C Bade)
