Makaluluoy ang nadangtan sang isa ka apat ka tuig nga bata matapos ginbuno ini sang iya kaugalingon nga iloy sa Brgy. Surqui 1, Camiling, Tarlac.
Ang biktima amo si Junjun nga dead-on-the-spot matapos nag-angkon sang pilas sa liog kag iban nga parte sang lawas.
Mismo ang amay sang bata ang nakadiskubre sa ginhimo sang iya asawa sa ila anak.
Suno sa amay, nagpauli ini sa ila balay kag natingala siya nga wala sang tawo gani naglakat-lakat siya sa gwa sang ila balay.
Didto na niya nakit-an ang iya anak nga puno sang dugo kag naputos sa habol.
Madasig naman nga nagdalagan agud malagyo ang asawa apang natigayon man nga nadakpan sang otoridad.
Ginpahayag nga hubog ang suspek sang ginhimo ang krimen.
Gin-alegar man nga nagaeksperyensiya ini sang depression.
Nakahunong na ini sa presohan kag mangatubang sang nagakaigo nga kaso.
