Naglab-ot na sa 425 gas stations ang nag-untat sa ila negosyo bangud sa nagapadayun nga pagsaka sang presyo sang produktong petrolyo
suno sa Philippine National Police subong nga Marso 27, 2026.
Ini matapos nga wala pa sa gihapon natapos ang tensyon sa Middle East sa tunga sang United States of America, Israel kag Iran.
Ginpakigbahin ni PNP Spokesperson Police Brigadier General Randulf Tuaño nga yara lamang sa 387 ang numero sang nagsirado nga mga gasolinahan kahapon nga adlaw, apang nadugangan ini subong sang 38 gasoline stations.
Suno kay Tuaño, pila diri ang ginreklamo sa mga awtoridad bangud sa hoarding, profiteering, overpricing, trademark violation,kag unfair competition.
Sa subong, padayun pa nga nagamonitor ang mga awtoridad ilabi na ang Department of Energy (DOE) nahanungod sa mga presyo kag supply sang mga petroleum products.
