Ginatudlo ang indi magnubo sa lima ka mga opisyal sang gobyerno, lakip ang pila ka Cabinet secretaries, nga gina-alegar naulamid sa ginahingadlan nga iregularidad sa 2025 national budget.
Suno kay Senate President Pro Tempore Panfilo “Ping” Lacson, ang alegasyon ginabase sa mga dokumento nga ginatawag nga “Cabral files,” nga ginhalinan sang anay Department of Public Works and Highways (DPWH) Undersecretary Catalina “Cathy” Cabral, nga suno pa kay Lacson ang handa na kun tani magbuyagyag sang impormasyon nahanungod sa anomalya sa flood control projects antes ini napatay.
Paathag ni Lacson nga ang mga dokumento nagalakip sang mga ngalan sang pila ka Cabinet secretaries nga may allocable kag non-allocable funds sa 2025 budget, lakip ang anay DPWH Secretary Manuel Bonoan, nga gin-alegar nga isa sa may pinakadako nga alokasyon.
Dugang pa, ginpahayag nga ang mga dokumento ginakaangut sa ₱50 bilyon nga unprogrammed funds, nga kabahin sini ginhalinan sang mga flood control projects.
Kun mapamatud-an ang pagka-authentic sang mga dokumento, mahimo ipatawag ang mga opisyal nga ginahingadlan, sa imbestigasyon sang Senate Blue Ribbon Committee para sa ila padayon nga kawsa nga mapanabat ang tanan nga korap sa gobyerno kag mabalik ang kwarta nga ila ginkawat.
