Nasapwan nga wala na sang kabuhi ang isa ka gay member sang LGBTQ sa iya boarding house nga ginaarkilahan sa Brgy. San Isidro, Jaro, Iloilo City kagab-i, Disyembre 6.
Ang biktim amo si Rex, 50, kag residente sang Brgy. Cari Minor, Leganes, Iloilo.
Sa interview sang Bombo Radyo kay Police Captain Mavin Laraño, officer-in-charge sang Iloilo City Police Station 3, iya ginpahayag nga nakabaton sila sang tawag halin sa opisyales sang barangay kag gilayon nila ini ginrespondehan.
Nahibaluan nga gaisahanon lang ang biktima sa iya boarding house kag tatlo ka adlaw na ini nga wala nagagwa rason man nga ginpangayuan na bulig sang Barangay.
Dugang pa nga nagareklamo ini sa iya mga utod nga nagapin-ot ang iya dughan antes pa man natabu ang insidente.
