ILOILO CITY – Tatlo ka adlaw nga naka lockdown ang 58 ka mga pamalay sa Zone 2. Bo.Obrero, Lapuz, Iloilo City.
Ini matapos nga nagpositibo sa Coronavirus disease 2019 (COVID-19) ang isa nila ka residente nga si WV 679, 80 anyos kag ginbawian sang kabuhi.
Sa ulihi, nagpositibo man sa COVID-19 ang asawa sini nga si WV 821, 71 anyos kag anak nga si WV 820, 39 anyos nga sa subong nagapabilin sa quarantine facility.
Sa exclusive interview sang Bombo Radyo kay Barangay Kagawad James Conlu, iya ginpahayag nga nagdangat tanan sa 197 ka mga indibidwal ang apektado sang lockdown.
Ginpasalig man ni Conlu nga mahatagan tanan sang mga food packs ang mga apektado nga residente.
Nagalaom man ang natungdan nga magwa sa sulod sang tatlo adlaw ang resulta sang real-time polymerase chain reaction (RT–PCR) test sang mga residente nga apektado sang lockdown.
