Arestado ang anom ka miyembro sang Manila Police District (MPD) matapos ginreklamo sang pagholdap sa tatlo ka mga tawo sa Makati City.
Gindakop ang mga ini sang Makati City Police paagi sa hot pursuit operatuion.
Ang mga suspek ginalakipan sang isa ka Staff Sergeant kag lima ka Patrolman.
Lunsay assigned sa Station Drug Enforcement Unit sang MPD-Station 9 ang mga ini.
Bag-o ang insidente, gin-alegar sang tatlo ka mga biktima nga ginbanggaan sila sang grupo sang mga lalaki kag gintayaan sang pusil antes ginkuha ang ila mga gamit.
Madasig man nga nalagyo ang mga suspek sakay sa motorsiklo.
Gilayon nag-report ang mga biktima sa Makati PNP kag naaresto ang mga suspek nga lunsay man mga pulis.
Positibo man sila nga ginkilala sang mga biktima.
Ginmando naman ni National Capital Region Police Office (NCRPO) chief, PMGen. Anthony Aberin ang pagkakas sa pwesto sa hepe kag tanan nga personnel sang ila nga unit para hatagan ligwa ang imbestigasyon.
 matapos ginreklamo sang pagholdap sa tatlo ka mga tawo sa Makati City.){kind=link}