Ginrekomendar ni Senator Bam Aquino ang pagdeklarar sang state of national emergency bangud sa epekto sang pagsaka sang produktong petrolyo sa pungsod.
Suno sa senador, madamo na nga pamilya nga Pilipino ang naga-eksperyensya sang mabug-at nga epekto sang pagsaka sang presyo sang gasolina kag diesel, gani kinahanglan na nga padalion sang gobyerno ang mga tikang nga gina-implementar sini.
Lakip sa iya suhestyon ang pagpatuman sang price ceiling sa mga nagapanguna nga balaklon, madali nga pagpanagtag sang bulig nga ginpa-in sa 2026 budget para sa mga transport worker.
Dugang pa sang Senador nga kinahanglan man sang bulig kag suporta sang mga micro, small and medium enterprises sa sini nga tinion agud malikawan ang pagsara sang mga negosyo nga ila ginakuhaan sang matag-adlaw nga kinahanglon gani nga kinahanglan nga buligan ang mga ini.
