ILOILO CITY- Wala nakaupang ang malayo nga ginhalinan kag madanlog nga dalan agud ma-claim sang daily draw winner sa Buena Mano Salvo Part 15 promo ang iya premyo.
Sa interview sang Bombo Radyo kay Donald Licudo sang Maite Grande, Lambunao, Iloilo, iya ginpahayag nga nagdali-dali gid siya sa pagpadulong sa estasyon sang Bombo Radyo agud kuhaon ang nadaugan nga P1000 nga premyo sa diin 500 ang cash prize kag 500 pesos ang balor sang gift pack nga nasulod sa balde nga Orocan.
Samtang ginauyatan ang premyo nga nabaton, napamatud-an ni Licudo nga sa promo sang Bombo, wala sang fake winners,wala man sang magic kag camera tricks kag matuod nga pumalasakop ang nagadaug.
Damuon pa gid ni Licudo ang paghulog sang entries bangud nagapati ini nga dako ang iya tsansa nga mangin masunod nga milyonaryo sa grand draw.
