Na-rescue sang Philippine Coast Guard (PCG) ang lima ka Indonesians kag duha ka Taiwanese nationals sa isa ka insidente nga ginkaulamiran sang fishing vessel sa Ilocos Sur.
Naghulag ang PCG kasunod sang request sang Taiwanese Coast Guard kag nakit-an ang sakayan 77 nautical miles halin sa Candon, Ilocos Sur.
Ginpahayag nga nakabunggo ang fishing vessel sa Bangladesh-flagged bulk carrier nga halin sa Changshu, China kag pakadto kuntani sa Muara Berau, Indonesia.
Bangud sa halit sa bow, nagsulod ang tubig sa sakayan kag indi na safe para sa mga sakay sini.
Nagpakig-angot man ang PCG kag ang Taiwan Coast Guard sa tag-iya sang sakayan nga SHENG FENG NO. 12 agud ma-check ang vessel kag ang crew members nga sakay sini. #
