Miss Universe 2021 Harnaaz Sandhu nga may special appearance sa MUPH 2022, nag-abot na sa pungsod
Nakaabot na si Miss Universe 2021 Harnaaz Sandhu sa Pilipinas.
Isa si Harnaaz sa mga special guests sa grand coronation night sang Miss Universe Philippines 2022 sa Mall of Asia Arena sa Abril 30.
Sa video sa Miss Universe Organization, ginpahayag sang beauty queen nga ang Pilipinas ang iya una nga pungsod nga ginbisita pagkatapos sang iya pagpauli sa India.
Mismo si Narvacan, Ilocos Sur Mayor Luis “Chavit” Singson kag anak nga si Architect Richelle Singson-Michael ang nagsugat kay Harnaaz.
Gamit nila sa pagsugat sa New Delhi, India ang 12-seater private plane nga Air Beauty One.
Magluwas kay Harnaaz, balantayan man ang iban nga Miss Universe winners bangud mismo sa coronation night, mangin hosts sanday Miss Universe 2015 Pia Wurtzbach, Miss Universe 2016 Iris Mittenaere, kag Miss Universe 2017 Demi Leigh Nel-Peters Tebow.
Ang reigning queen nga si Beatrice Luigi Gomez ang magapasa sang korona sa iya nga successor.
