Gin-expel sang Italya, Denmark, Sweden kag Spain ang kabug-usan nga 73 Russian diplomats bilang pagkondina sa pagpang-atake sang Russia sa Ukraine.
Suno kay Spanish foreign minister Jose Manuel Albares, gin-expel sang ila pungsod ang 25 ka Russian diplomats kag embassy staff nga posible mangin pamahug sa security sang Espanya.
Samtang, suno naman kay Sweden Foreign Minister Ann Linde, tatlo ka Russian diplomats ang ila iga-expel bangud sa ginpahayag nga spying.
Ginpahayag naman ni Italy Foreign Minister Luigi Di Maio nga ginmandu sang ila pungsod ang expulsion sang 30 ka Russian envoys para sa national security.
Gin-expel naman sang Denmark ang 15 ka Russian “intelligence officers” kag ginhatagan sang 14 ka adlaw agud nga maghalin sa ila pungsod.
Ini ang pila sa mga dugang nga lihok sang European countries agud nga mas mapabaskog ang mga ginapataw nga sanctions sa batok Russia.
