Lima ka adlaw nga gin-hostage sang mga armado nga mga lalaki ang isa ka iloy kag ang tatlo ka niya ka menor de edad nga kabataan sa Barangay Cupang, Antipolo City, Rizal.
Ginpahayag nga Marso 2 pa sang gin-hostage sang mga suspek ang mga biktima kag naluwas sila makaligad ang lima ka adlaw.
Sa panaysayon sang nasambit nga iloy nga si alyas “Lanie”, nag-abot sa ila balay ang apat ka mga suspek nga may dala nga binangon kag ginpahog nga patyon ang mga ini.
Ginkandaduhan sang mga suspek ang balay gani wala nakagwa ang mga biktima sa sulod sang lima ka adlaw.
Isa ka concerned citizen ang nag-report sa otoridad paagi sa E-Sumbong platform sang Philippine National Police (PNP) sang Marso 7.
Diri na kag ginplano ang rescue operation kag naluwas ang mga biktima.
Natigayon naman nga maaresto ang mga suspek nga mangatubang sang kaso nga paglapas sa Article 267 sang Revised Penal Code ukon illegal detention kag paglapas sa Republic Act 7610 ukon Child Abuse Act.
