Gin-issuehan sang Land Transportation Office (LTO)-6 sang separado nga Show Cause Order ang driver kag operator sang nag-viral nga blue taxi nga naghana labu sa isa ka rider sa Barangay Ungka, Jaro, kahapon, Nobyembre 11.
Ini kasunod man sang 90-day preventive suspension sa driver’s license sang driver nga ginmando ni LTO-6 Regional Director Atty. Gaudioso P. Geduspan II.
Sa nasambit nga SCO, ginapangayuan sang LTO-6 sang sabat ang duha bangud sa ginpakita nga pamatasan sang driver.
Ginhatagan sila sang lima ka adlaw agud magpaathag sang ila bahin kag kon ngaa indi sila dapat mapasakaan sang dugang nga administrative ukon legal action.
Padayon naman ang imbestigasyon sang LTO-6 sa nasambit nga insidente.
Text by: Bombo Glenette Delit
