Isa ka bala sa mga wala nagapati sa mga tinaga nga ”age is just a number”?
Mahimo nga maglain ang imo pinsar kun makilal-an mo ang 90 anyos nga pensioner nagikan sa Japan nga nagatrabaho bilang fitness instructor sa isa ka gym.
Nahibaluan nga kadam-an sa mga nagaedad 90 anyos ang halos indi na makalakat ukon maka-ehersisyo apang ginpamatud-an ni Takishima Mika ukon mas kilala sa pangalan nga ”Takimika” nga numero lamang ang edad.
Ang 90 anyos nga si Takimika ang ginakabig pinakatigulang nga fitness instructor sa Japan.
Nangin angay man siya sa isa ka celebrity bangud bantog na sa bug-os nga Japan ang iya excellent shape, positibo nga panan-awan kag makalalaton nga mga yuhom.
Apang nakahibalo ka bala kun ano ang gintunaan sang desisyon ni Takimika nga mangin isa ka fitness instructor?
Sang 65 anyos palang, nakabati si Takimika sang komento halin sa iya nga bana may kaangtanan sa iya kabug-aton.
Sugod sadto, nagbag-o na ang dalagan sang kabuhi sang 90 anyos matapos siya nag-intra sa gym sa diin tubtob subong, isa na siya ka professional fitness instructor.
