ILOILO CITY – Nagakahangawa na subong ang Police Regional Office (PRO) 6 sa nagataas nga kaso sang pagpatay sa mga Indian National sa Western Visayas.
Pinakaulihi diri ang babaye nga Indian National nga si Rupinder Kaur Chalal, 34 anyos nga ginluthang patay sa Our Lady of Fatima, Jaro, Iloilo City.
Sa interview sang Bombo Radyo kay Police Chief Inspector Herbert Ballego, Hepe sang Jaro Police Station, ginpahayag sini nga si Chalal ang isa lang sa mga Indian National nga ginapatihan nga ginpatay sang mga kaangay man sini nga Indian National bangud sa inaway sa negosyo nga pautang.
Una diri, may narecord man nga pagpatay sa mga Indian National sa Probinsya ng Iloilo kag Probinsya ng Antique nga sa ulihi napamatud-an nga ginpatay sang mga kaangay man nila nga Indian National kag nagabayad lang sang guns for hire.
Matandaan nga manukot kuntani sang utang ang biktima nga si Chalal sa isa ka car shop sang ginluthang sang lima ka beses sa dughan sang lalaki sa nga nagasakay sa motorsiklo tubtub mabawian sang kabuhi.
