Posible nga magamay ang mahulik nga mga isda sa tion sang El Niño bangud sa pagtaas sang temperatura kag salinity sang tubig-dagat.
Sa interview sang Bombo Radyo kay Remia Aparri, regional director sang Bureau of Fisheries and Aquatic Resources (BFAR-6), iya ginpahayag nga mahimo mag-migrate ang mga kaisdaan sa mga madalum kag mabugnaw nga bahin sang kadagatan gani maganubo ang volume production sang municipal fisheries.
Suno pa kay Aparri, posible nga maapektuhan man ang marine biodiversity bangud sang coral bleaching sa kadagatan rason man sang pagkapatay sang mga ini kag makaapekto sa productivity sang marine ecosystem.
Nahibaluan nga daku ang mangin bulig sang mga coral reefs nga nagahatag sang puluy-an kag breeding ground sa mga isda kag nagahatag man sang proteksiyon sa coastal communities batok sa storm surges.
Dugang ni Aparri, bangud sa sini nga sitwasyon, maapektuhan gid ang palangabuhian sang mga manugpangisda.
