Traffic Management Division sa Iloilo City Hall, gin-athag nga may permit ang parada sang grupo ni Mayor Jose Espinosa III

ILOILO CITY–Gin-athag sang pamunu-an sang Traffic Management Division sa Iloilo City Hall nga may yara sang permit ang pagpasirado sang mga dalan nga gin-agyan sang para sang grupo ni Mayor Jose Espinosa III sang nagligad nga adlaw.
Sa interview sang Bombo Radyo kay Bob Forster, pinuno sang Traffic Management Division, iya ginpahayag nga ang pagpasirado sang pila ka dalan sa syudad ang nagdugay man lang sang pila ka oras.\
Ang road closure ang ginhingyo ni certain Avanceña kag gilayon naman nga gin-aprobahan ni Mayor Espinosa.
Kun wala naman ang alkalde, ginpahayag ni Forster nga mahimo maka-approve ukon disapprove ang City Administrator ukon ang officer-in-charge sang Local Government Unit.
Lakip sa mga intersection nga ginpabantayan sa mga traffic auxilliary amo ang Ledesma, Mabini, Fuentes, Quezon, De Leon, Delgado sa City Proper kag ang ruta nga gin-agyan sang parada halin sa San Jose Placer Parish padulong sa talatapan sang Commission on Elections (COMELEC) sa ikaduha nga panalgan sang Iloilo Terminal Market.
Bangud nga ginpasirado ang isa ka lane sang mga nasambit nga dalan, may yara man sang gindeploy nga mga traffic auxilliary agud magmando sa dalagan sang trapiko.
Kadungan sini, gin-athag man ni Forster nga may yara man sang permit ang patigayunon nga parada sang grupo ni Cong. Jerry Treñas kadungan sang ila nga pagfile sang Certificate of Candidacy (COC).
Ang nagrequest sang road closure para sa Oktubre 17 amo si Jonas Bellocello.