Pagpatukod sang Iloilo-Guimaras-Negros bridge, umpisahan sa 2020

ILOILO CITY–Sa tuig 2020 pa mahimo nga umpisahan ang pagpatukod sang taytay nga maga-angot sa Iloilo, Guimaras kag Negros.
Sa State of the Province Address (SOPA) ni Guimaras Gov. Samuel Gumarin, iya ginpahayag nga sa subong, nagapatigayon pa sang consultation meeting ang tanan nga stakeholders tuhoy sa pagatukuron nga  taytay.
Sa pagkamatuod suno kay Gumarin, nagtambong pa siya sa pagsinapol kaupod ang mga tiglawas sang kontraktor kag Department of Public Works and Highways (DPWH) agud istoryahan ang plano kag ang proseso sa pagpatukod sang Guimaras-Iloilo bridge.
Ginkasugtan man nila nga ipatawag ang mga private sector ilabi na ang mga motorbanca operator nga labi nga maapektuhan sa tion nga may yara na sang taytay.
Sa pihak sini, nagahingyo ang gobernador sang bulig sang tanan agud nga matigayon ang nasambit nga proyekto.