Ginapanawagan NI Board Member Rolly Distura, chairman sang Committee on Energy sang Sangguniang Panlalawigan sa probinsya sang Iloilo, ang mga establishments kag entities sa probinsya sang Iloilo nga mag-enroll sa Interruptible Load Program ukon ILP sang Interruptible Load Program (ILP) sang Department of Energy (DOE) kag Energy Regulatory Commission (ERC).
Suno kay Distura, kun iga-konsiderar sang mga concerned entities ang pag-enroll sa ILP, mangin isa ini ka paagi nga makabulig sa pagbuhin sang epekto sang power interruptions sa mga kabanwahanan sa probinsya.
Pahayag niya, sang Setyembre 8, sang iya pag-sponsor sang resolution parte sa amo nga programa, ginpadala na ini sa tanan nga Energy Efficiency and Conservation Officers sa bilog nga probinsya sang Iloilo.
Bangud sini, ginapaabot nga napahibalo na ang mga concerned entities sa kada banwahanan parte sa programa kag sa mga benepisyo sini.
Dugang pa, ginpaathag ni Distura nga antes makapa-enroll sa ILP, kinahanglan man nga may kasugtanan ang concerned entity kag ang DOE kag ERC paagi sa isa ka agreement.
