Ginahulat na lang sang National Bureau of Investigation (NBI) ang extradition request halin sa South Korea agud mabalik sa ila pungsod ang ginatudlo suspek sa pagpatay sa kaangay nga Overseas Filipino Worker (OFW) nga ginsulod pa sa septic tank.
Ini ang kasunod sang pagkadakop sang (NBI) International Operations Division kay Yugoslav Magtoto sa Candaba Pampanga nga nagpatay kay Michael Angelo Claveria 34 , residente sang Barangay Poblacion Rizal Ilawod, Cabatuan, Iloilo.
Ang pag aresto ang ginhimo sa gahom sang arrest warrant nga ginpagwa sang Manila Regional Trial Court, nga ginhingyo sang mga otoridad sang South Korea.
Suno kay Atty. Auralyn Pascual, Deputy Spokesperson sang NBI, nagpagwa man sang Red Notice ang Interpol batok kay Magtoto nga nagapangatubang sang kaso ngamurder, exploring tombs, larceny, kag paglapas sa Specialized Credit Finance Business Act.
Nahibaluan nga si Claveria ang nadula sang 2015 apang sang 2018, natukiban ang kalabera sa sini sa septic tank sa isa ka paint factory sa South Korea kag sang ginpaidalom sa DNA test nakumpirma na iya ini sang Ilonggo OFW.
Si Magtoto ang naakig matapos ginbalibaran ni Claveria nga makigrelasyon sa iya.
