Ginhangkat sang economics professor kag anay Finance Undersecretary Cielo Magno ang mga Ilonggo nga i-monitor sang maayo kag busision ang mga proyekto sa imprastraktura nga ginapondohan sang gobyerno.
Partikular sini nga ginmensyonar ang paggamit sang Bisto Proyekto nga isa ka online citizen-powered platform.
Paagi sa Bisto Proyekto, mahimo usisaon sang mga residente kun yara gid bala ang mga flood control projects sa ila komunidad kag kun may kaangtanan ini sa pagsolbar sang pagbaha.
Sa interview sang Bombo Radyo kay Magno, iya ginpahayag nga importante nga indi lamang mag-focus ang publiko sa mga ayuda nga ginahatag sa mga residente nga apektado sang pagbaha, kundi usisaon man kun may yara sang madinalag-on nga long-term solutions agud malikawan ang pagsulit sang amo nga problema.
Gin-athag man sini nga indi lamang flood control projects ang dapat tutukan, kundi ang iban pa nga infrastructure projects nga mahimo makabulig sa pagsolbar sang problema sa pagbaha.
Ginpanawagan man ni Magno sa publiko nga usisaon ang rason sang pagbaha, ang paggasto sang gobyerno, kag kun na-deliver gid bala ang mga proyekto nga ginpondohan sang pondo sang publiko.
Kabahin ini sang ginplastar sang opisina matapos ang report kaangot sa pagtaas sang numero sang Children At Risk (CAR) sa syudad sa una nga 10 ka bulan sa 2026.
Sandig sa rekord sang Iloilo City Police Office (ICPO), ang property-related offenses partikular na ang theft kag robbery amo ang nagabug-os sang 38 percent sang recorded offenses. Ini ang pinakadaku nga numero sang kaso kun sa diin involved ang kabataan sa amo nga period.
Ginasundan ini sang curfew violations, truancy ukon pagligoy ukon pag-absent sa eskwelahan, kag iban pa nga status offenses nga yara sa 27 percent.
Suno kay CSWDO assistant head Merlyn E. Gizon, sandig sa ila nga workshop sa Comprehensive Local Juvenile Intervention Program, nagguwa nga ang ang property offenses naga-ugat sa financial distress nga tuga naman sang kabudlay sa ekonomiya.
Ginalantaw man sang talatapan nga early warning signs na ang status offenses sa mga makabig nga vulnerable juveniles.
Nauna na nga ginpanawagan sang pulis kag social welfare officials ang mas mabakod nga kooperasyon sang barangay, eskwelahan, mga ginikanan, kag mga ahensya sang gobyerno agud nga ma-address ang mga ugat sa likod sang juvenile vulnerability kag agud malikawan nga mabiktima ang kabataan sang abuso, exploitation, kag criminal activities.
Isa sa ginduso amo ang pagtumod sang temprano nga warning signs, pagpabaskog sang suporta sang pamilya, kag pagpasiguro sang interventions.#














