ILOILO CITY – Ginpasalig sang Valiant Bank nga mabayaran ang 7,000 nga kliyente kasunod sang pagpasirado sang Bangko Sentral ng Pilipinas (BSP) sa nasambit nga bangko.
Sa ginpadala nga mensahe sang Valiant Bank sa Bombo Radyo, nakasaad nga ila na nga ginatugyan sa Philippine Deposit Insurance Corporation (PDIC) ang pagbayad sa gin-deposito sang mga kliyente.
Kadungan sini, nagpangayo man sang paghangop ang pamunu-an sang nasambit nga bangko sa huol nga gintuga sa ila kliyente.
May kaangtanan diri, ginpahayag naman sa Bombo Radyo ni Errol Ibañez Jr., assistant department manager kag deputy spokesperson sang PDIC, nga ang mga kliyente nga may yara sang deposito nga P100,000 panubo ang kinahanglan nga magpakita sang proof of deposit antes mabalik ang gin-deposito nga kantidad.
Lakip sa requirements suno kay Ibañez amo ang passbook ukon anu man nga pamatuod kag valid nga identification cards.
Ang mga kliyente naman nga may yara sang gin-deposito nga masobra sa P100,000 ang nagakinahanglan nga magpasaka sang claim sa PDIC.
Errol Ibañez Jr., assistant department manager and deputy spokesperson of PDIC
