Nagapadayon ang pagnubo sang manufacturing sector sa Pilipinas sang Oktubre bangod sa maluya nga demand sa lokal kag international nga merkado, lakip man ang epekto sang El Niño.
Base sa survey nga ginpatigayon sang S&P Global, nagnubo sa 49.1 points ang Purchasing Managers’ Index ukon PMI sang Oktubre, halin sa 49.6 points sang Setyembre, nga nagapakita sang nagapadayon nga paghinay sang aktibidad sa mga pabrika.
Bangod sa maluya nga demand, naghinay ang produksyon sang mga pabrika, rason nga nagbuhin man ang mga ini sang kadamuon sang ila mga empleyado.
Ini ang ika-duha na nga sunod nga bulan nga nagnubo ang employment sa manufacturing sector humalin sa bulan sang Setyembre.
Pahayag pa sang economic experts, mahimo pa nga maapektuhan ang baligya kag capital sang mga negosyo bangod sa pagsaka sang interest rate sang Bangko Sentral.
Dugang pa nga tubtob subong, wala sa gihapon sang pagtaas sa mga order kag wala man nagdugang ang pag-employ sang mga bag-o nga mga empleyado.
