Liwat nga pagabuksan sang Commission on Elections (COMELEC) ang voter registration para sa palaabuton nga 2028 elections.
Magasugod ini sa Nov. 10, 2026 kag magalawig tubtob July 30, 2027.
Suno sa COMELEC, mahimo magparehistro ang publiko halin Martes kag Byernes, 8 a.m.-6 p.m.; samtang 8 a.m. to 5 p.m., naman kun Sabado kag scheduled holidays.
Ginpakigbahin man sang ahensya nga makarehistro ang isa ka indibidwal pinaagi sa Office of the Election Officer.
Mahimo man ini sa mga satellite ukon mall registration sites sa idalom sang Register Anywhere Program (RAP), kag Special Register Anywhere Program (SRAP).
Madumduman nga ginsirado ang registration sang Abril 24, 2026, bangud sa patigayunon tani nga 2026 Barangay at Sangguniang Kabataan Elections subong nga Nobyembre nga wala man madayun bangud sa ginpirmahan nga hagna ni President Ferdinand Marcos Jr.
