Temporaryo nga gin-suspend sang Provincial Social Welfare and Development Office ukon PSWDO ang releasing sang Assistance to Individual in Crisis Situation ukon AICS sa Iloilo Provincial Capitol.
Ini kasunod sang resolution nga ginpagwa sang Commission on Election ukon COMELEC nga kinahanglan anay pauntaton bangud man sa barangay and SK election sa Nobyembre 2.
Sa interview sang Bombo Radyo kay Marice Andrea Bedonia, Social Worker Officer sang PSWDO, iya ginpahayag nga nagasunod lamang sila sa guidelines nga ipauntat anay pag-release sang government fund.
Ginpahayag man niya nga apisar sang suspension, bukas sa gihapon ang ila nga opisina sa mga walk in client kag kaangay lamang nga proseso ang ila ginapatigayon apang ang pag hatag lang sang cash ang ila ginpauntat.
Gindugang man niya nga kun ma lift na ang banning, gilayon man nila nga tawagan ang mga clients agud makuha ang ila financial assistance sa Capitol.
Gin-athag naman sang Regional Election Director sang Commission on Election nga si Atty. Dennis Ausan nga kinahanglan nga i-ban ang pag release sang mga financial assistance para sa mga social services.
Base man sa resolution ginapauntat ini halin September 18 tubtob sa adlaw sang election.
Pahayag pa sini nga ang mga programa kaangay sang AICS, AKAP, TUPAD, kag 4Ps ang may absolute prohibition man 10 ka adlaw antes ang eleksyon.
Gindugang man niya nga ang mga assistance sa medical kag burial naman ang makonsiderar gihapon nga excepted tungod sa ini ang indi man ini pwede mapauntat.
Gindugang man ni Atty. Ausan nga ini nga resolution ang ginbase man sa daan nga layi kun sa diin indi na makapahunugot sa mga aspirants sa election nga makapamintaha.
Ini bangud ang iban supportado sang administrasyon kag magwa nga ginagamit ang government resources sa mga tawo nga ara sa posisyon.
