Ginpakigbahin sang isa ka babaye nga embalsamador nga madamo gihapon ang nagatingala kon mahibaluan nga isa ka babayi ang nagatrabaho bilang embalmer bangud nasanay ang publiko nga lalaki lamang ang nagasulod sa nasambit nga propesyon.
Sa interview sang Bombo Radyo kay Maribel Sarate, isa ka licensed embalmer sa isa ka punerarya sa banwa sang Janiuay, iya ginpahayag nga indi na bag-o ang pagdamo sang mga babayi nga nagasulod sa embalming profession.
Suno sa iyam halos 18 ka tuig na ini nga licensed embalmer kag wala man siya nakabatyag sang kahadlok sa iya nga trabaho, bangud nagdako ini nga malapit ang ila balay sa patyo.
Ginpakigbahin man ni Sarate ang importansya sang pag-atipan sa kaugalingon samtang nagakabuhi pa.
Ini bangud, suno kay iya, base sa iya pagrepaso sang mga cause of death sa death certificate sang mga napatay, naobserbahan niya nga nagakabata na ang edad sang pila ka mga ginabawian sang kauhi.
Pahayag niya, lakip sa mga rason sang kamatayon nga iya makita amo ang suicide, kidney problems kag heart attack.
Bangud sini, ginapanugyan ni Sarate nga hatagan gid sang impormasya ang pag-atipan sa kaugalingon kag maghatag man sang tion sa pagpahuway, ilabi na kon nagaka-eksperyensya sang stress ukon anxiety.
