Naglab-ot na sa masobra 1,000 ka tawo ang nagpadulong sa Molo Public Cemetery subong nga adlaw, Nobyembre 1, agud nga bisitahon ka dumdum ang ila mga pinalangga nga nagataliwan.
Ini ang santo sa datos nga nakuha sang Bombo Radyo sa Molo Police Station as of 11AM.
Sa interview sang Bombo Radyo kay Police Captain Ryan Christ Inot, hepe sang nasambit nga police station, iya ginpahayag nga ginapaabot pa nga magtaas ang numero sang mga nagabisita sa patyo tubtob bwas nga adlaw, Nobyembre 2.
Suno sa hepe, magluwas sa mga kapulisan nga alerto nga naka-standby sa patyo, ila man kabulig sa pagbantay ang mga barangay officials, barangay tanod, emergency responders kag iban pa nga security personnels.
Ginapanugyan man ni PCapt. Inot ang publiko nga magdala sang payong kag tubig agud malikawan ang dehydration bangud sa mainit nga panahon.
Pahayag pa, wala sang reported nga ginagamo sa lugar tubtob subong nga mga tinion.
Dugang pa niya, ginapasiguro sang kapulisan nga magapabilin nga malinong, organisado kag matawhay ang tanan nga magabisita sa nasambit nga patyo agud malikawan ang ano man nga sanhi sang insidente.
