Ginabanta naglab-ot na sa 79 ka ginapahayag miyembro sang Communist Terrorist Group ang napatay sa mga operasyon sang militar sa pungsod subong nga 2026.
Suno sa National Task Force to End Local Communist Armed Conflict naglab-ot na sa 1, 355 ang ginapahayag miyembro sang nasambit nga grupo ang na-neutralize subong nga tuig.
Sa pihak sini, may ara sang 1, 277 nga nag-surrender, 48 ang naaresto kag 79 naman ang napatay sa mga operasyon.
Samtang, gina-engganyo ni NTF-ELCAC Executive Director Danilo Pamonag ang nadesignar nga ahensya nga unahon ang programa nga makabulig sa liwat nga pagbalik sa komunidad sang mga anay rebelde.
Suno pa sa Director, may ara sang masobra 27, 000 ang anay miyembro kag tagasuporta sang Communist Party of the Philippines, New People’s Army kag National Democratic Front ang nagbalik na sa sabak sang gobyerno halin sang tuig 2022.
Padayon naman ang pag-proseso sang Amnesty Board sa masobra 13, 000 nga aplikasyon para sa amnesty sang mga anay rebelde.
