Gindayaw ni Department of Education (DepEd) Secretary Sonny Angara ang Iloilo bilang modelo sang madinalag-on nga paghatag sang mas daku nga gahum sa mga lokal nga panguluhan sa pagdumala sang edukasyon.
Ini ang kadungan sang pagtambong ni Angara sa Literary and Numeracy Expo Cum Training of Trainers on the Institutionalization of Technical Assistance on Instructional Delivery kahapon, Nobyembre 4.
Sa amo sa aktibidad ginbantayan ang paglunsar sang mga Developed Big Books nga may yara sang konsepto sang circular economy, kaupod sa United Nations Development Programme ukon UNDP.
Suno pa kay Angara, indi aksidente nga ginkikilala ang Iloilo bilang modelo sang madinalag-on nga pagdumala sang edukasyon sa lokal nga lebel, kag bangod ini sa pagbinuligay sang mga lider kag sa ila mabakod nga pagsuporta sa edukasyon.
“It is no accident that Iloilo is being touted as a model of a successful decentralization of education in the country. And it is no coincidence that the governor of Iloilo is a strong pro-education, unifying, supportive, and generous patron of education in the great province of Iloilo,” suno kay Secretary Angara.
Gindugang pa niya nga bangud sa paghiusa kag suporta sang mga lokal nga lider, wala naga-alang-alang ang DepEd sa paghatag sang pondo kag gahom sa pagdesisyon sa Iloilo City kag Iloilo Province para sa pagpasanyog sang edukasyon.
Nahibaluan nga nag-upod man ang tiglikom sa official blessing and inauguration sang bag-o nga DepEd Region VI building sa Duran Street, Iloilo City.#
