Ginbasol ni US President Donald Trump sa kaangay sini nga Republican ang resulta sang pagkapierde sang ila nga partido sa ginpatigayon nga midterm elections sang Estados Unidos.
Sa una nga pahayag ni Trump matapos ang eleksyon, ginpahayag sini nga landslide victory kuntani ang nakuha sang Republicans kun siya mismo ang nangin kandidato sa baylo nga wala siya sa balota.
Samtang, naghatag naman ini sang pahibalo nga mahimo sini nga punggan ang ginaproponer nga layi sang mga ini matapos mag-post sang laragway sang iya pula nga MAGA cap nga may letra nga “VETO.”
Ginbasol man sang Presidente ang ginapahayag nga mahina nga kalidad sang Republican candidates lakip na si Texas Governor Greg Abbott, nga napierde kay Democrat Gina Hinojosa.
Nagapabilin naman nga mapag-on ang tindog sang White House apisar sa kapierdihan sang Republicans.
May kaahadlok naman ang iban nga liwat nga padakuon ni Trump ang mga tikang sini nga militar sa Iran, sa tunga sang reports nga wala nagustuhan sang mga botante ang nasambit nga inaway.
Nahibaluan nga ang pag-kontrol sang Democrats sa duwa ka bahin sang Kongreso ginalauman nga magahatag sang dako nga pagpanghangkat kay Trump sa nabilin sini nga duha ka tuig sa iya ikaduha nga termino bilang presidente.
